ลำเพลินชาวมหาวิทยาลัยขอนแก่น โดย หมอลำอุดมศิลป์ ดร.วันดี พลทองสถิตย์

ลำเพลิน ชาวมหาวิทยาลัยขอนแก่น
(ลำเกริ่น) โอ้ โอ้ย... มหาวิทยาลัยเมืองขอนแก่น ตั้งอยู่บนพื้นที่อยู่โนนที่มอดินแดง
ลักษณะโนนดินลูกคลื่นสีแดงแท้ เนื้อที่มีประมาณได้ห้าพันแปดร้อยไร่
ศาลเจ้าพ่อมอดินแดงเป็นที่เพิ่งทางใจ มหาวิทยาลัยเมืองขอนแก่นจึงเจิดจ้า
ตราพระธาตุพนมเป็นสัญลักษณ์ วิทยา จริยา ปัญญา เด้อ…จื่อไว้
สีอิฐให้เด่นประจำ มีดอกช่อกัลปพฤกษ์อีกซ้ำ รวมก้อนกลุ่มอยู่นำกัน
อัศจรรย์สัญลักษณ์นั่นเด่นดีน้อ เพรียงพร้อม
กะจั่งว่าเปิดผ้าม่านกั้ง แจ้งสว่างสีขำๆ นักศึกษามาลำ ให้หล่ำมองแหน่เด้อท่าน
ให้หล่ำมองแหน่เด้อท่าน
(ลำเพลิน) โอ้ยเด้นาย พอคาวแล้วสิเดินไปไว้ไว พอคาวแล้วสิเดินไปไว้ไว
นี่คือสาวมหาลัยพากันแอ๋แอ่นฟ้อนขาย้อนอ่อนตาม
(ร้อง) โฉมงามเรียนอยู่มหาลัย โฉมงามเรียนอยู่มหาลัย เป็นเมืองผ้าไหมโอลิมปิกเหรียญทอง
พี่น้องฟังกันไว้ก่อน เป็นตาออนซอนขอนแก่นมหาลัย
คณาจารย์ท่านเป็นผู้ฉับไว คณาจารย์ท่านเป็นผู้ฉับไว สอนให้เข้าใจโปร่งใสการเรียน
คลังสมองอยู่มหาวิทยาลัย คลังสมองอยู่มหาวิทยาลัย ท่านฟังแล้วเข้าใจสามระดับปริญญา
คณะวิชามียี่สิบเจ็ดคณะ คณะวิชามียี่สิบเจ็ดคณะ หนึ่งในนั้นคณะศิลปกรรม
(ลำเพลิน) ลำเป็นเรื่องมหาลัยขอนแก่น เด้อแฟนจื่อไว้ คงมันแก่นดี
(ร้อง) มข.คณะศิลปกรรม มข.คณะศิลปกรรม ได้มาหัดลำเพลินแบบดั้งเดิม
เสริมไว้เพื่อการศึกษา หนุ่มสาวเรามาอนุรักษ์ของเดิม
ของเก่าเราไม่ได้เสริมยังสวยเหมือนเดิมทนทานถาวร
(ลำเพลิน) ยอแขนฟ้อนพากันออกท่า ลำเพลินแก้วหน้าม้าลำคู่ปิ่นทอง มโนราห์สาล่ะน้อแฮงคล่องๆๆ คู่พระสีทน
หรือสิลำขุนแผนคู่วันทองน้อย
(ร้อง) สำออยออดอ้อนสำเนียง สำออยออดอ้อนสำเนียง ลำเพลินประสานเสียงชาวมหาลัย
คณะวิชามียี่สิบเจ็ดคณะ คณะวิชามียี่สิบเจ็ดคณะ ฟังกันได้ชัดลำเพลินลำเเพน
(ลำเพลิน) เสียงแคนจั้นพิณกลองตีใส่ เชิญชายไทยทุกท่านมาฟ้อนใส่เพลิน
กินเข้าปุ้นบุญฮ่วมงานมี ลำเพลินชาวมหาลัยออกท่าทางลำฟ้อน ลำฟ้อนโอ๊ยลำฟ้อน ลำฮ้องโอ๊ยลำฟ้อน...

แม่วันดีลำม่วนๆแฮง พิธีกรกะเว้าคัก คนสิฟังลำ😂

ยายวันดีก็น่าจะรอให้มันพูดจบแล้วค่อยขับลำ เสียรสชาติการฟัง

กินข้าวปุ้น ข้านปุ้น ปุ้นๆๆๆๆ!!! ปุ้นๆๆๆๆ!!!😅😂🤣

ว่าแล้ว... กะอยากกินข้าวปุ้น อิหลีละ 😁

ผู้เว้ากะเว้า ผู้ลำกะลำ โอ๊ยเนาะ 5555